Microrrelato de Lucía Fernández Cuíña
Ensináronme que soñar é infantil.
Ese día decidín pechar os ollos e soñar máis forte. Cando os volvín abrir había máis xente coma min, loitando, ou como lle chaman eles, soñando.
mércores, 18 de marzo de 2020
sábado, 7 de outubro de 2017
Por que protestamos?
Grazas á compañeira Ester que trouxo innovadoras ideas para achegar a nosa Literatura e a nosa Historia a 4º de ESO, o alumnado deste nivel comezou a escribir poemas de dúas estrofas nos que había que reivindicar algún tema, protestar polo que eles e elas quixeran. Para isto, só contaban con 15 minutos. E os resultados foron, nalgúns casos, sorprendentes.
(violencia de xénero) (Noelia, Sara, Adrián, David de la Torre)
O pobo berra de rabia
el soamente reclama.
Entre eles hai unha dama
co corazón cheo de mágoa.
Coma ela moitas máis
un corpo orfo de ás,
os seus beizos que foron de flor
agora só senten furor.
(touros) (Carlota, Daniel, Hugo, Lorena)
Nunca é necesaria a Morte!
Por moi pequeno que sexa o corte.
A súa vida sempre termina
porque a xente é unha asasina
Vestidos con traxes de luces
que nunca relucen
Polo sangue dos inocentes
que eles non senten
(eucaliptos) (Alba, Fran, Valeria, Iker)
Por que destruír Galicia?
Por que hai esa malicia?
Por que plantar eucaliptos
en vez de castiñeiriños?
Para que cometer eses delitos
plantando tantos eucaliptos?
Cando perdamos a nosa terra,
pensaremos, "quen nola dera"???
mércores, 27 de setembro de 2017
Encántame
Poema de Carla Varela Areán:
Encántame espertar para atopar casualidades.
Encántame falar de recordos,
sen compañía, pero con experiencia.
Encántame a música que non sona.
Encántanme as miradas que falan.
Encantame sorrir no medio das palabras.
Encántame abrazar con sentimento.
Encántame bailar sen melodía.
En definitiva, encántame a banda sonora
da miña vida.
Encántame espertar para atopar casualidades.
Encántame falar de recordos,
sen compañía, pero con experiencia.
Encántame a música que non sona.
Encántanme as miradas que falan.
Encantame sorrir no medio das palabras.
Encántame abrazar con sentimento.
Encántame bailar sen melodía.
En definitiva, encántame a banda sonora
da miña vida.
xoves, 16 de xuño de 2016
mércores, 15 de xuño de 2016
martes, 14 de xuño de 2016
luns, 13 de xuño de 2016
Subscribirse a:
Publicacións (Atom)